--------------------------------------------------------------------------------
بسم الله الرحمن الرحيم
نطارة
التين
عم بتذكر هديك الأيام لمى كنا ننطر التين فكنا
(من بلش من الصبح )نفيق على جهجهة الضوء
لمى تفيقنى ستي وتقول يلا ياابني صار الظهر قوموعلى
السرب طبعا نكون نايمين على المسطاح تحت الكلّة
فنقوم لانغسل وجهنا ولاشي عين مفتحا وعين
مغمضا عمنحلم أيمتا بدنا نخلص سرب هالتينات منشان نرجع نمد هالفرش تحت الحيشية على هالبرودات وننام,
بس بعد مانخلص سرب هالتينات في هالقرطل وفرز تين اليابس في الجيبي ولأخضر شوي ننشروا على المسطاح حتى ييبس بس بعد مانخلص يطير النوم من عيوننا ونكون دبحانين من العطش نجي على هالخابةونرك لنرتوي بعدين ستي تحضرنا فطور بسيط كتير بس لذيذ كتير وهو عبارة عن شاي على الحطب خبز مدهون بزيت وفليفله وملح وكام فرمة بندوره وخيار وبعدين نروح نبعد عن ستي أنا والشباب لتحت شى تيني ونصير ندخن الغليون هو عبارة عن توبة يابسة منقطعها في النص ومنثقبها من عند العقب مندخل فيها قصلة منشغل داخل هالتوبي ومنصير مندخن وبعد مانخلص بكون صار الظهر عنجد فمنتشطح تحت هالحيشيه ومنام للعصريات فمنقوم للسرب العصر ومنرجع على الغداء بكون خلص خالي الدوام أجا راكب على حمارتو ومحمل في هالخرج خبز ومي وغداء على أغلب بكون مسقعة بس كل شي طيب في البرية
فمنتغدا وبتروح معنا بقا لعب وتسلاي للمسى منشغل هالفانوس وهالنار منشوي باذنجان وبطاطا ومندق جرنة
منتعشى ومناخد هالبيل والمحبة وعلى الصيد لحتى نتعب وغالبا ما منصيد شي بس منتسلا ومنرجع للخلود للنوم والتهيأ ليوم جديد مثل هاليوم اللي مضى
المصطلحات الكفرنبالية
نطارة
:هي عبارة عن أقامة في البستان طيلة فترة الموسم
المسطاح
:كومة حجارة ضخمة ووسط وعلى السطح بتكون صغيرة على مساحة حوالي عشرة امتار مربع وارتفاع يتفاوت بين متر ومترين
الكلّة
:قطعة قماش بيضاء (شاش ) للحماية من الناموس
الحيشية
:نوع من انواع التين وبتكون كثيفة الأوراق والظل تحتها وفير جدا
القرطل
:هو عبارة عن اناء مصنوع من القصب بستعمل لسرب التين غالبا
الجيبي
: وبتكون فوق المسطاح عبارة عن حفرة مرتبة من الحجارة على ارتفاع حوالي متر وقطر حوالي مترين لحفظ التين الى حين تعبئته في أكياس
الخابة
: اناء فخار يحفظ الماء باردة يطمر في التراب
نرك
:نشرب
توبه
:نوع من انواع التين لا يؤكل يستعمل كلقاح للتين
قصلة
:شلمونة نباتية
خرج
:يوضع على الدابة أو الموتور لوضع الاشياء بدخله للنقل
جرنة
:حجر سوداء مقعرة من الداخل وهي طفلة الجرن هههههههه تستعمل لدق البصل والبندورة والبانجان
المحبة : سلاح يستعمل لصيد العصافير ولا يمكن ان يصاد به اكبر من العصفور
__________________
بسم الله الرحمن الرحيم
نطارة
التين
عم بتذكر هديك الأيام لمى كنا ننطر التين فكنا
(من بلش من الصبح )نفيق على جهجهة الضوء
لمى تفيقنى ستي وتقول يلا ياابني صار الظهر قوموعلى
السرب طبعا نكون نايمين على المسطاح تحت الكلّة
فنقوم لانغسل وجهنا ولاشي عين مفتحا وعين
مغمضا عمنحلم أيمتا بدنا نخلص سرب هالتينات منشان نرجع نمد هالفرش تحت الحيشية على هالبرودات وننام,
بس بعد مانخلص سرب هالتينات في هالقرطل وفرز تين اليابس في الجيبي ولأخضر شوي ننشروا على المسطاح حتى ييبس بس بعد مانخلص يطير النوم من عيوننا ونكون دبحانين من العطش نجي على هالخابةونرك لنرتوي بعدين ستي تحضرنا فطور بسيط كتير بس لذيذ كتير وهو عبارة عن شاي على الحطب خبز مدهون بزيت وفليفله وملح وكام فرمة بندوره وخيار وبعدين نروح نبعد عن ستي أنا والشباب لتحت شى تيني ونصير ندخن الغليون هو عبارة عن توبة يابسة منقطعها في النص ومنثقبها من عند العقب مندخل فيها قصلة منشغل داخل هالتوبي ومنصير مندخن وبعد مانخلص بكون صار الظهر عنجد فمنتشطح تحت هالحيشيه ومنام للعصريات فمنقوم للسرب العصر ومنرجع على الغداء بكون خلص خالي الدوام أجا راكب على حمارتو ومحمل في هالخرج خبز ومي وغداء على أغلب بكون مسقعة بس كل شي طيب في البرية
فمنتغدا وبتروح معنا بقا لعب وتسلاي للمسى منشغل هالفانوس وهالنار منشوي باذنجان وبطاطا ومندق جرنة
منتعشى ومناخد هالبيل والمحبة وعلى الصيد لحتى نتعب وغالبا ما منصيد شي بس منتسلا ومنرجع للخلود للنوم والتهيأ ليوم جديد مثل هاليوم اللي مضى
المصطلحات الكفرنبالية
نطارة
:هي عبارة عن أقامة في البستان طيلة فترة الموسم
المسطاح
:كومة حجارة ضخمة ووسط وعلى السطح بتكون صغيرة على مساحة حوالي عشرة امتار مربع وارتفاع يتفاوت بين متر ومترين
الكلّة
:قطعة قماش بيضاء (شاش ) للحماية من الناموس
الحيشية
:نوع من انواع التين وبتكون كثيفة الأوراق والظل تحتها وفير جدا
القرطل
:هو عبارة عن اناء مصنوع من القصب بستعمل لسرب التين غالبا
الجيبي
: وبتكون فوق المسطاح عبارة عن حفرة مرتبة من الحجارة على ارتفاع حوالي متر وقطر حوالي مترين لحفظ التين الى حين تعبئته في أكياس
الخابة
: اناء فخار يحفظ الماء باردة يطمر في التراب
نرك
:نشرب
توبه
:نوع من انواع التين لا يؤكل يستعمل كلقاح للتين
قصلة
:شلمونة نباتية
خرج
:يوضع على الدابة أو الموتور لوضع الاشياء بدخله للنقل
جرنة
:حجر سوداء مقعرة من الداخل وهي طفلة الجرن هههههههه تستعمل لدق البصل والبندورة والبانجان
المحبة : سلاح يستعمل لصيد العصافير ولا يمكن ان يصاد به اكبر من العصفور
__________________
